ข่าวทั่วไป

ເຈ້ຍປາຊິຟິກ ອອກມາຂໍໂທດປະເດັນດຣ່າມ່າໜັກ ເພາະບໍ່ຮູ້ແທ້ໆວ່າມັນເປັນສິ່ງທີ່ຜິດ

ຫຼ້າສຸດອ້າຍເຈ້ຍໄດ້ໂພດຂໍໂທດທຸກຄົນທີ່ກັງວົນປະເດັນດຣ່າມ່າໜັກໂດຍມີເນື້ອຫາດັ່ງນີ້: ສໍາລັບເຈ້ຍ ຂໍອອກມາຂໍໂທດ ແລະ ຍອມຮັບຜິດ ຈາກໃຈຈິງ ກັບທຸກຄໍາທີ່ສັງຄົມອອກມາວິຈານ ແລະ ຕໍານິ ຂໍໂທດນໍາ ໄຊ ເມຍທີ່ເປັນທີ່ຮັກ ແລະ ລູກທັງສອງຄົນ ທີ່ ໂພດສ ອີ່ຫຍັງແບບນີ້ ໂດຍການບໍ່ຄິດໄຕ່ຕອງໃຫ້ຮອບຄອບ. ສອງມື້ກ່ອນ ເຈ້ຍ ໄດ້ໂພດ 2ໂພດສ ຕາຫລົກອອກແນວ 2ແງ່ 3ງ່າມ ກ່ຽວກັບຜູ້ຍິງໂພດສຮູບ ແຕ່ງໂຕເຊັກຊີ້ ລົງເຟດບຸກສ່ວນໂຕ ເຊິ່ງມັນສື່ໃຫ້ເຫັນເຖິງ ການຮຸກຮານ ທາງເພດຕໍ່ຜູ້ຍິງ ເຊິ່ງເຮັດໃຫ້ຫລາຍຄົນ ວິຈານ ແລະ ຕໍານິວ່າ ມັນເປັນສິ່ງທີ່ຜິດ ເຈ້ຍ ຂໍຍອມຮັບຄວາມຜິດ ຈາກໃຈຈິງ ສິ່ງທີ່ໄດ້ໂພດສອອກໄປ ບໍ່ແມ່ນຮູ້ເທົ່າບໍເຖິງການດອກ ເຖົ້າປານນີ້ແລ້ວ ແຕ່ ເຈ້ຍ ບໍ່ຮູ້ແທ້ໆ ວ່າ ມັນເປັນສິ່ງທີ່ຜິດ ເປັນສິ່ງທີ່ ຮຸກຮານທາງເພດ ແຕ່ ພໍເມຍເຈ້ຍ ໄຊ ໄດ້ມາອະທິບາຍໃຫ້ເຂົ້າໃຈ ແລະ ໄປອ່ານລະອຽດ ກໍ່ຮູ້ໂຕເອງເລີຍວ່າ ເຈ້ຍ ເຮັດຜິດສໍ່າໃດ.

ສິ່ງທີ່ ເຈ້ຍ ສິເວົ້າຕໍ່ໄປ ບໍ່ແມ່ນຄໍາແກ້ໂຕ ແຕ່ແມ່ນຄວາມຄິດ ກ່ອນຫນ້ານັ້ນທີ່ສິ ຂຽນຄອນເທນຫຍັງຂື້ນມາໃຫ້ຄົນມີຮອຍຍິ້ມ ເຈ້ຍ ຢາກ ສື່ ຂໍ້ຄວາມຫຍັງ ຫາຫລາຍໆຄົນ

1. ໃຫ້ທຸກຄົນເຫັນ ຄວາມສໍາຄັນຂອງຄໍາວ່າ ໄລຍະກັກໂຕ ທັງ 2ໂພດທີ່ ໂພດ ແມ່ນສື່ໃຫ້ເຫັນ ຈຸດນັ້ນ ວ່າ ມັນສໍາຄັນ ອອກໄປໃສບໍໄດ້.

2. ໂພດສເພື່ອໃຫ້ຄົນ ມ່ວນ ມີຮອຍຍິ້ມ ໃນຍາມທີ່ ສະຖານະການ ມັນຕືງຄຽດຕ້ອງໄດ້ຢູ່ແຕ່ເຮືອນ ແຕ່ບໍ່ຄິດວ່າ ມັນຈະກາຍເປັນການໂພດສທີ່ ຮຸກຮານທາງເພດ ຕໍ່ຜູ້ຍິງ ເຈ້ຍຕ້ອງ ຂໍໂທດ ຂໍອະໄພນໍາ ຜູ້ຍິງທຸກຄົນຫລາຍໆ.

3. ກັບຄໍາວ່າ ຕົກເປັນເມຍໃນຈິນຕະນາການ ເຈ້ຍເຈດຕະນາ ໃຫ້ຄົນຄິດເລີກໄປໄກ ແຕ່ການເປັນເມຍໃນຈິນຕະນາການ ມັນກະຄິດໄດ້ຫລາຍ ກໍລະນີ ເຊັ່ນ: ໄດ້ມີເຊັກສກັນ, ໄດ້ແຕ່ງງານກັນ, ໄດ້ຢູ່ກິນເປັນຜົວເປັນເມຍກັນ, ເຊິງມັນກະຄິດໄປໄດ້ຫລາຍຢ່າງ ແຕ່ຄົນສ່ວນຫລາຍກະອາດຈະຄິດໄປທາງ ລາມົກຢ່າງດຽວ ( ອັນນີ້ ເຈ້ຍ ກະຍອມຮັບຜິດໃນການຫລີ້ນ ມຸກ 2ແຍ່ 3ງ່າມ. ເຊິ່ງເຈ້ຍກະຫລີ້ນປະຈໍາໃນຕອນໄປສະແດງຕາຫລົກ ຫລື ມຸກໃນຫນັງ ເຈ້ຍຈະມັກໃຫ້ຄົນຄິດໄປອີກແງ່ມຸມຫນື່ງ ລະມາແກ້ອີກແງ່ ຕາມສະຕາຍສຫນັງຂອງເຈ້ຍທີ່ຜ່ານມາ ແຕ່ລືມຄິດໄປຕອນທີ່ຫລີ້ນ ຕາຫລົກ ກັບ ໃນຫນັງ ເຮົາໄດ້ແກ້ ທຸກຄໍາເວົ້າ ໃນສິ່ງທີ່ເຮົາເວົ້າໃຫ້ຄົນຄິດໄປ ຄື:

ຕົວຢ່າງ= ຄົນຫນື່ງ ຊູມຸກ Aຖາມ: ຕົກເປັນເມຍໃນຈິນຕະນາການ ເຈົ້າຄືເວົ້າຊົ່ວ ເວົ້າລາມົກແທ້. Bຕອບ: ຊົ່ວບ່ອນໃດ ຂ້ອຍຈິນຕະນາການວ່າ ຂ້ອຍໄດ້ແຕ່ງງານກັບລາວ. A ສິຊູເຕີ່ມ: ໂອ … ແຕ່ໃນທີ່ ຂະນະເຮົາໂພດສ ເຮົາບໍ່ມີເວລາແກ້ ເຮົາປ່ອຍໃຫ້ຄົນຄິດໄປເອງ ອັນນີ້ຄືຄວາມຜິດເຈ້ຍເຕັມໆ ຄືໂພດສ ກັບ ການຫລີ້ນຕາຫລົກຫລືເຮັດຫນັງມັນຕ່າງກັນ ເຈ້ຍ ກະຕ້ອງຂໍໂທດ ແລະ ຮັບຜິດຊອບນໍາຄໍາເວົ້ານີ້

ສະຫລູບແລ້ວ ເຈ້ຍ ບໍມີເຈດຕະນາຈະໂພດ ຈະຮຸກຮານທາງເພດ ຜູ້ຍິງ ເຈ້ຍພຽງແຕ່ໂພດສເພື່ອຢາກໃຫ້ທຸກຄົນເລື່ອນຜ່ານເຫັນແລ້ວ ໄດ້ອ່ານແລ້ວອົມຍິ້ມ ແຕ່ ເຈ້ຍ ຄິດຜິດພາດຫລາຍໆ ຂໍໂທດ ແລະ ຂໍອະໄພ ໃນເຈດຕະນາທີ່ສື່ສານອອກມາແບບນີ້ ເຫດການຄັ້ງນີ້ ສອນເຈ້ຍໃຫ້ຮູ້ວ່າ ທຸກໆເພດ ບໍ່ຄວນຖືກຮຸກຮານທາງເພດ ໂດຍ ການກະທໍາ, ຄໍາເວົ້າ, ໂພດສ, ຄອມເມັ້ນ, ຈິນຕະນາການ ຫລື ດ້ວຍສາຍຕາ. ຝາກເຖິງ ທຸກໆຄົນ ບໍ່ວ່າ ຊາຍ ຫລື ຍິງ ການຮຸກຮານທາງເພດ ເປັນສິ່ງທີ່ ຜິດ ແລະ ເປັນສິ່ງທີ່ບໍ່ຄວນເຮັດ ບໍ່ວ່າ ວາຈາ, ການກະທໍາ, ການໂພດ, ຄອມເມັ້ນ, ສາຍຕາທີ່ເບິ່ງ ຫລື ຈິນຕະນາການ

ເຈ້ຍ ໄດ້ລົບໂພດສ 2ໂພດສ ທີ່ໄດ້ໂພດສ ໄປ ເພາະມັນແມ່ນສິ່ງທີ່ ຜິດ ຂໍໂທດ ຂໍອະໄພ ຈາກໃຈລູກຜູ້ຊາຍ ເຈ້ຍ ປາຊີຟິກ

ຖ້າໃຜໄດ້ໄປອ່ານຄອມເມັ້ນສະເຕຕັດສຂອງອ້າຍເຈ້ຍ ປາຊີຟິກ ຫຼາຍຄົນກະຈະຄອມເມັ້ນຕະລົກໄປນໍາກັນ ແຕ່ຈະມີບາງສ່ວນທີ່ມາຄອມເມັ້ນສະແດງຄວາມເປັນຫ່ວງເນື່ອງຈາກສະເຕຕັດສອາດພາດພິງເຖິງແມ່ຍິງໂພດສຮູບເຊັກຊີ້ ເລີຍເຮັດໃຫ້ກຸ່ມຄົນຈໍານວນໜຶ່ງເປັນຫ່ວງກັບການສື່ສານຂອງສະເຕຕັດສອ້າຍເຈ້ຍປາຊີຟິກ ຫຼ້າສຸດເອື້ອຍໄຊເມຍອ້າຍເຈ້ຍໄດ້ມາເຄຣຍປະເດັນກ່ຽວກັບສະເຕຕັດສດັ່ງກ່າວທີ່ FB ສ່ວນຕົວຂອງເອື້ອຍລາວເອງ Thavisay Keobounphanh ວ່າ: ກ່ຽວກັບປະເດັນທີ່ຜົວຂ້ອຍ ເຈ້ຍ ປາຊິຟິກ ໂພສຂຽນລົງເຟດບຸ້ກສ່ວນຕົວຂອງລາວ ທີ່ມີເນື້ອຫາສໍ່ແວວລາມົກຄຸກຄາມທາງເພດ ເພື່ອຄວາມບັນເທີງນັ້ນ ໂດຍສ່ວນຕົວແລ້ວ ໃນຖານະຜູ້ຍິງຄົນນຶງ ຂ້ອຍເອງກໍ່ບໍ່ເຫັນດີ ກັບການກະທຳຂອງລາວ.

ໃນຖານະແມ່ ຂ້ອຍຮູ້ດີວ່າທຸກຄົນເປັນລູກມີພໍ່ມີແມ່ ບໍ່ມີໄຜຢາກຖືກລວນລາມອະນາຈານທາງສາຍຕາ ຫລື ໃນຄວາມຄິດ ໃນໂລກຄວາມເປັນຈິງ ຫລື ໃນໂລກໂຊຊ້ຽວກໍ່ຕາມ. ແລະ ໃນຖານະທີ່ເປົນຄົນທີ່ຄວນເປັນແບບຢ່າງໃຫ້ສັງຄົມ ເຮົາຄວນເປັນກະບອກສຽງທີ່ຕໍ່ຕ້ານພຶດຕິກຳການຄຸກຄາມທາງເພດ. Sexual harassment is NOT okay. ແຕ່ ໃນຖານະເມຍ ໃນຖານະຄົນທີ່ຮູ້ຈັກ ອ້າຍເຈ້ຍ ດີທີ່ສຸດ ຂ້ອຍຮູ້ວ່າລາວບໍ່ໄດ້ມີເຈດຕະນາທີ່ຊົ່ວຮ້າຍ ລາວ ພຽງແຕ່ “ຢາກໄດ້ຍອດໄລ້” ໂດຍທີ່ບໍ່ພິຈາລະນາໄຕ່ຕອງກ່ອນດີໆ ຊຶ່ງຖືວ່າເປັນຂໍ້ຜິດພາດ. ຄວາມຈິງແລ້ວ ໃນຊີວິດຈິງລາວເປັນພໍ່ທີ່ດີເປັນຄູ່ຊີວິດທີ່ດີ ລາວຮັກລູກຮັກເມຍ ໃຫ້ກຽດຄອບຄົວແລະຄົນອື່ນສະເຫມີ. ຫລາຍຄົນອາດຈະຄິດວ່າຂ້ອຍປົກປ້ອງລາວ ຂ້ອຍບໍ່ໄດ້ຢາກແກ້ໂຕແທນລາວ ແຕ່ແຄ່ຢາກອະທິບາຍມຸມມອງຂອງຄົນທີ່ບໍ່ໄດ້ພຽບພ້ອມທຸກຢ່າງ ແຕ່ຂໍ້ເສຍຂອງລາວກໍ່ປຽບສະເຫມືອນລາຍເປື້ອນຢູ່ຜ້າຂາວ ທີ່ຂ້ອຍເລືອກທີ່ຈະຍອມຮັບແລະໄຊ້ຊີວິດຢູ່ນຳລາວ ເພາະເຮົາເປັນຄອບຄົວດຽວກັນ. ສະນັ້ນ ຫວັງວ່າຫລາຍຄົນຈະເຂົ້າໃຈ ແລະ ຫວັງວ່າທຸກຄົນຈະໃຫ້ອະໄພແລະຍັງສືບຕໍ່ສະຫນັບສະຫນຸນຜົນງານເຮົາຕໍ່ໄປ ຂໍຂອບໃຈ ແຕ່ຍັງມີຄົນອີກຈໍານວນໜຶ່ງຢາກໃຫ້ອ້າຍເຈ້ຍມາສະແດງຄວາມຄິດເຫັນກ່ຽວກັບສະເຕຕັດສຂອງອ້າຍລາວເຊິ່ງ ເຮົາຕ້ອງມາຕິດຕາມຕອນຕໍ່ໄປວ່າເລື່ອງຈະເປັນຢ່າງໃດ