ข่าวทั่วไป

ເກົາຫລີ ຈະສັກຢາປ້ອງກັນໂຄວິດ-19ໃຫ້ໄດ້70% ຂໍຊົມເຊີຍນຳເດີ

ເກົາຫລີ ຈະສັກຢາປ້ອງກັນໂຄວິດ-19ໃຫ້ໄດ້70% ຂໍຊົມເຊີຍນຳເດີ

ຂປລ.​ເມື່ອ​ບໍ່​ດົນ​ມາ​ນີ້,ສຳນັກງານ​ ຄວບ​ຄຸມ ​ແລະ ປ້ອງ​ກັນ​ພະຍາດ ​ຂອງ​ສ.​ເກົາຫລີ(KCDA) ປະກາດ ພາລະກິດ ​ຕົ້ນຕໍ​ຂອງ​ປີ​ນີ້ ​ໃນ​ການ​ຄວບ​ຄຸມ ​ການ​ສະໜອງ ​ວັກ​ຊິນ​ ປ້ອງ​ກັນ ​ໂຄ​ວິດ-19 ​ໃຫ້​ກັບ​ປະຊາຊົນ ​ແບບ​ບໍ່​ເສຍ​ຄ່າ​ ໃຫ້​ໄດ້ 70% ພາຍ​ໃນ​ ເດືອນ​ກັນຍາ​ນີ້ ​ໂດຍ​ຈະ​ເລີ່​ມສັກ ​ວັກ​ຊິນ ​ຕັ້ງ​ແຕ່​ເດືອນ​ໜ້າ ​ເປັນຕົ້ນ​ໄປ ​ເພື່ອ​ໃຫ້​ເກີດ​ ພູມ​ຕ້ານທານ ​ໃນ​ເດືອນ​ພະຈິກ.ຂະນະ​ທີ່ ລັດຖະບານ ສ.​ເກົາຫລີ ມີ​ວັກ​ຊິນ ​ພຽງພໍ ສຳລັບ​ ສັກ​ໃຫ້​ ປະຊາຊົນ 56 ລ້ານ​ຄົນ ພາຍ​ໃຕ້​ໂຄ​ງການ ​ໂຄ​ແວັກ ຂອງ​ອົງການ​ ອານາ​ໄມ​ໂລກ ​ແລະ ມີ​ສັນຢາ​ແຍກ​ຕ່າງຫາກ ກັບບໍລິສັດ​ຢາ ​ຕ່າງປະ​ເທດ 4​ແຫ່ງ.ນອກ​ນີ້ ຍັງ​ໃກ້​ຈະ​ລົງ​ນາມ​ ສັນຍາ​ຊື້ ​ວັກ​ຊິນ​ ຂອງ​ໂນ​ວາ​ເວັກ ບໍລິສັດຢາ ອາ​ເມ​ລິ​ກາ ​ໃຫ້​ປະຊາຊົນ 20 ລ້ານ​ຄົນ.ຂະນະ​ທີ່ ປະຊາກອນ ສ.​ເກົາຫລີ​ 52 ລ້ານ​ຄົນ ລວມມີ ບຸກຄະລາ​ກອນ ​ທາງ​ການ​ແພດ ຕາມ​ໂຮງໝໍ ທີ່​ມີ​ຄວາມ​ສ່ຽງ​ສູງ,

ສະຖານ​ທີ່​ ພື້ນ​ຟູ​ ຄົນ​ເຈັບ ​ແລະ ຜູ້​ສູງ​ອາຍຸ ຈະ​ໄດ້​ຮັບ​ ວັກ​ຊິນ ​ເປັນ​ກຸ່ມ​ທຳ​ອິດ ​ໃນ​ໄຕ​ມາດ​ທຳ​ອິດ ຂອງ​ປີ​ນີ້ ຜູ້​ມີ​ອາຍຸ 65ປີ​ຂຶ້ນ​ໄປ ​ແລະ ຜູ້​ເຮັດ​ວຽກ ​ຕາມ​ສະຖານ​ທີ່​ອື່ນໆ ຈະ​ໄດ້​ຮັບ​ ວັກ​ຊິນ ​ໃນ​ໄຕ​ມາດ ທີ່2 ຜູ້​ມີ​ພະຍາດ ຊ້ຳ​ເຮື້ອ ​ແລະ ຜູ້​ສູງ​ອາຍຸ 19-64ປີ ຈະ​ໄດ້​ຮັບ​ວັກ​ຊິນ​ ໃນ​ໄຕ​ມາດ​ທີ່3.ປັດຈຸບັນ ​ເຈົ້າໜ້າ​ທີ່​ ທາງ​ການ ພວມ​ກຽມ ​ຫ້ອງ​ເຢັນ ​ຫລາຍ​ຮູບແບບ ​ເພື່ອ​ເກັບ​ ວັກ​ຊິນ ​ແຕ່​ລະ​ບໍລິສັດ ທີ່​ຕ້ອງ​ເກັບ ​ໃນ​ອຸນຫະພູມ​ ແຕກ​ຕ່າງ​ກັນ ຈະ​ເປີດ​ສູນ​ສັກ ​ວັກ​ຊິນ 250​ແຫ່ງ ​ເພີ່ມ​ຈາກ​ ສະຖານ​ທີ່ ​ພະຍາບານ 10.000 ​ແຫ່ງ​ ທົ່ວ​ປະ​ເທດ,

ສຶບຕໍ່​ປະຕິບັດ ມາດ​ຕະການ ​ປ້ອງ​ກັນ​ ການ​ຕິດ​ເຊື້ອ ​ພະຍາດ ໂຄ​ວິດ-19 ​ແລະ ​ເພີ່ມ​ການກວດ​ແບບ ພີ​ຊີ​ອາ(PCR) ​ເປັນ​ສູງ​ສຸດ ວັນ​ລະ 240.000ຄົນ.