ข่าวทั่วไป

ຮອງລັດຖະມົນຕີກະຊວງອຸດສາຫະກຳ ແລະ ການຄ້າ ຢ້ຽມຢາມໂຮງງານ ວີເຄເຄ

ຮອງລັດຖະມົນຕີກະຊວງອຸດສາຫະກຳ
ແລະ ການຄ້າ ຢ້ຽມຢາມໂຮງງານ ວີເຄເຄ

ຂປລ. ໃນວັນທີ 25 ກຸມພາ 2021 ທ່ານ ສົມຈິດ ອິນທະມິດ ຮອງລັດຖະມົນຕີ ກະຊວງອຸດ ສາຫະກຳ ແລະ ການຄ້າ ພ້ອມດ້ວຍຄະນະ ໄດ້ລົງເຄື່ອໄຫວເຮັດວຽກ ແລະ ຢ້ຽມຢາມຢູ່ໂຮງງານ ວີ ເຄເຄ ອຸດສາຫະກຳຈຳກັດ ເພື່ອຊຸກຍູ້ການຜະລິດ ແລະ ຮັບຟັງການສະເໜີບັນຂອງໂຮງງານດັ່ງກ່າວ, ໂດຍການຕ້ອນຮັບຂອງ ທ່ານ ບຸນທະວົງ ບຸນເລີດ ປະທານໂຮງງານ ວີເຄເຄ ອຸດສາຫະກຳຈຳກັດ.

ໃນໂອກາດດັ່ງກ່າວ, ທ່ານ ບຸນທະວົງ ບຸນເລີດ ໄດ້ລາຍງານໃຫ້ຮູ້ວ່າ: ໂຮງງານ ວີເຄເຄ ອຸດສາຫະກຳ ຈຳກັດ ເປັນໂຮງງານທີ່ຜະລິດ ແລະ ຈຳໜ່າຍຜະລິດຕະພັນ ເຊັ່ນ: ແຜ່ນມຸງຫລັງຄາອາລຸຊິງ, ສັງກະສີເຄືອບສີ, ຫລັກຮູບປະພັນທຸກຊະນິດ, ໂຄງເຫລັກປະກອບສຳເລັດຮູບ, ເສົາໄຟເຍືອງທາງທຸກຊະນິດ ແລະ ອຸປະກອນຮັບໃຊ້ຄົມມະນາຄົມ. ໂຮງງານດັ່ງກ່າວ, ເປັນໂຮງງານອັນດັບຕົ້ນຂອງປະເທດລາວ ໃນການຜະລິດ ແລະ ຈຳໜ່າຍຜະລິດຕະພັນທີ່ມີຄຸນນະພາບ ໄດ້ມາດຕະຖານ ເພື່ອຫລຸດມູນຄ່າໃນການລົງທຶນຂອງລູກຄ້າ.

ຜ່ານມາ, ໂຮງງານ ວີເຄເຄ ອຸດສາຫະກຳ ຈຳກັດ ໄດ້ມີຜົນງານທີ່ພົ່ນເດັ່ນ ເປັນຕົ້ນແມ່ນ: ຕິດຕັ້ງເສົາໄຟເຍືອງທາງຕ້ອນຮັບກິລາຊີເກມທີ່ລາວເປັນເຈົ້າພາບ, ໂຄງການກໍ່ສ້າງສະໜາມກິລາໃນຮົ່ມ ມຊ, ໂຄງການກໍ່ສ້າງສະໜາມກິລາໃນຮົ່ມກົມພາລາທິການຫລັກ 5, ໂຄງການກໍ່ສ້າງອັດສະຈັນສວນສະໜາມວິທະຍາຄານອົງກົມມະກຳ ແລະ ອັດສະຈັນສະໜາມບານເຕະກອງທັບ ແລະ ຍັງມີອີກຫລາຍໆໂຄງການ.

ຂໍຂອບໃຈ