ข่าวทั่วไป

ພົບແຮງງານລາວ ລັກລອບຂ້າມຊາຍແດນເຂົ້າແຂວງໄຊຍະບູລີ 17 ຄົນ

ພົບແຮງງານລາວ ລັກລອບຂ້າມຊາຍແດນເຂົ້າແຂວງໄຊຍະບູລີ 17 ຄົນ

ສຳນັກຂ່າວວຽງຈັນທາຍ ໄດ້ລາຍງານວ່າ: ອຳນາດການປົກຄອງແຂວງໄຊຍະບູລີ ແຈ້ງໃຫ້ຮູ້ເມື່ອບໍ່ດົນມານີ້ວ່າ:ເຈົ້າໜ້າທີ່ລາດຕະເວນຊາຍແດນໄດ້ກວດພົບແຮງງານລາວທີ່ເຮັດວຽກຢູ່ປະເທດໄທລັກລອບເຂົ້າມາແຂວງໄຊຍະບູລີ ຫຼື ກັບຄືນມາປະເທດລາວເຂົ້າມາເມືອງຊຽງຮ່ອນ 16 ຄົນ ແລະ ເມືອງໄຊສະຖານ 1 ຄົນ ເມື່ອວັນພຸດທີ່ຜ່ານມາ ແລະ ຄະນະສະເພາະກິດຄວບຄຸມ,ປ້ອງກັນ ແລະ ແກ້ໄຂການແຜ່ລະບາດຂອງພະຍາດໂຄວິດ-19 ໄດ້ນຳໄປສຶກສາອົບຮົມ ແລະ ຈຳກັດບໍລິເວນແລ້ວ.

ອຳນາດການປົກຄອງແຂວງໄຊຍະບູລີ ໃຫ້ຮູ້ຕື່ມວ່າ: ເພື່ອປ້ອງກັນແຮງງານລາວລັກລອບເຂົ້າມາແຂວງໄຊຍະບູລີ ຍ້ອນມີການລະບາດໜັກຂອງພະຍາດໂຄວິດ-19 ຢູ່ປະເທດໃກ້ຄຽງໄດ້ມີການສຸມໃສ່ລາດຕະເວນຕາມຊາຍແດນຕະຫຼອດ 24 ຊົ່ວໂມງ ແຕ່ຍັງມີຄວາມສ່ຽງຫຼາຍຍ້ອນວ່າແຂວງໄຊຍະບູລີມີຊາຍແດນຕິດກັບປະເທດໃກ້ຄຽງຍາວເຖີງ 647 ກິໂລແມັດ.

ຂໍຂອບໃຈ