ข่าวทั่วไป

ຜັກບີອ່ຽນມີສັບພະຄຸນທາງຢາຊ່ວຍບຳລຸງຫົວໃຈຕັບຕົ້ມດື່ມດີເບົາຫວານ

ຜັກບີອ່ຽນມີສັບພະຄຸນທາງຢາຊ່ວຍບຳລຸງຫົວໃຈຕັບຕົ້ມດື່ມດີເບົາຫວານ

ຜັກບີອ່ຽນເປັນໄມ້ລົ້ມລຸກປີດຽວ, ເລືອໄປຕາມດິນ, ສູງ 10-30 ຊມ, ລໍາຕົ້ນສີຂຽວອ່ອນ ແລະ ຈະມີຮາກອອກຕາມຂໍ້. ໃບດ່ຽວ, ຈັບກົງກັນຂ້າມແບບລຽງສະຫຼັບ, ໃບຂອບຂະໜານ, ຍາວ 3-5 ຊມ. ກ້ວາງ 0.5-1 ຊມ, ປາຍໃບແຫຼມ, ດອກອອກເປັນຊໍ່, ອອກທີ່ຊອກໃບ ແລະ ປາຍຍອດ, ຊໍ່ດອກຍາວປະມານ 5 ຊມ, ດອກຍ່ອຍສົມບູນເພດຈໍານວນຫຼາຍ, ດອກຍ່ອຍມີເສັ້ນຜ່ານສູນກາງປະມານ 1-1.5 ຊມ, ກ້ານດອກຍ່ອຍຍາວປະມານ 1-3 ມມ, ກາບດອກເປັນສີຂຽວ, ຮູບຫອກ, ມີຂົນນຸ່ມໆ, ໂຄນເຊື່ອມຕິດກັນ,

ປາຍແຍກອອກເປັນ 5 ແສກ, ປາຍກີບແຫຼມດ້ານນອກມີຂົນຂື້ນປົກຄຸ່ມ, ຍາວ 4.5-8 ມມ, ຈັບສະຫຼັບກັບກີບດອກ, ກີບດອກຮູບໄຂ່, ມີ 5 ກີບ, ກີບດອກເປັນສີນໍ້າເງີນອົມມ່ວງ ຫຼື ສີມ່ວງອົມຂຽວ, ກາງດອກເປັນສີຂາວ, ຍາວ 3-5 ມມ. ເກສອນຜູ້ 5 ອັນ, ຈັບສະຫຼັບກັບກີບດອກ, ກ້ານຊູເກສອນແມ່ມີ 2 ອັນ, ຖົງເກສອນປັນສີແດງເຂັ້ມ. ໝາກກົມ, ກ້ວາງ 2.5 ມມ, ຍາວ 5 ມມ, ຫໍ່ດ້ວຍກີບຮອງດອກ, ກາບດອກຕິດຄົງທົນ, ພາຍໃນແກ່ນສີດໍາມີຈໍານວນຫຼາຍ.

ຍອດອ່ອນໃຊ້ກິນເປັນຜັກສົດ ຫຼື ລວກຊຸບກັບຜັກອື່ນໆ, ກັບປົ່ນ. ກັບແຈ່ວ ຈະມີລົດຊາດຂົມອ່ອນໆ. ມີສັພະຄຸນບໍາລຸງຫົວໃຈ, ຕັບ, ເບົາຫວານ, ໄຂ້ມາເລເຣຍ, ຕົ້ິມນໍ້າດື່ມເປັນຢາແກ້ຕາຟາງ. ທັ້ງຕົ້ນນຳໃຊ້ເປັນຢາແກ້ຕາຟາງ, ເປັນຢາບຳລຸງຫົວໃຈ, ຕັບ, ແກ້ໄຂ້ມາເລເຣຍ ແລະ ແກ້ເບົາຫວານ, ໂດຍການນຳໃເອົາຕົ້ນສົດຕົ້ມ 1 ກຳມື ແລ້ວດື່ມກີນປະຈຳ. ແຕ່ສຳຫຼັບຜູ້ຍິງເກີດລູກໃຫມ່ ບໍ່ຄວນດື່ມ ເພາະຈະເຮັດໃຫ້ນ້ຳນົມແຫ້ງ.

ຂໍຂອບໃຈ