ข่าวทั่วไป

ປະເທດອິນເດຍ ຈະສັກຢາປ້ອງກັນໂຄວິດ-19ຜະລິດພາຍໃນປະເທດ

ປະເທດອິນເດຍ ຈະສັກຢາປ້ອງກັນໂຄວິດ-19ຜະລິດພາຍໃນປະເທດ

ຂປລ.ຕາມ​ຂ່າວ​ຈາກ ​​ນີວ​​ແດນ​ລີ,ອິນ​ເດຍ ຈະ​ສັກ​ຢາ​ປ້ອງ​ກັນ​ໂຄ​ວິດ-19(ວັກ​ຊິນ)ທີ່​ຜະລິດ​ ພາຍ​ໃນ​ປະ​ເທດ​​ອີກ 7ລັດ ຈາກ​ທີ່​ພວມ​ສັກ​ຢູ່​ ຂະນະ​ນີ້ 12 ລັດ ​ເພາະ​ຕ້ອງການ​ສັກ​ໃຫ້​ບຸກຄະລາ​ກອນ ທາງ​ການ​ແພດ 30 ລ້ານ​ຄົນ​ ທົ່ວ​ປະ​ເທດ. ອິນ​ເດຍ ອະນຸມັດ​ ໃຫ້​ໃຊ້​ສຸກ​ເສີນ ວັກ​ຊິນ ​ປ້ອງ​ກັນ​ໂຄ​ວິດ-19 ​ໂຄ​ວີ​ຊີ​ລ(Covishield) ​ເປັນ​ຂອງ ອ໋ອກຟອດ ​ແລະ ​ແອ​ສຕຣາ​ເຊ​ນ​ເນ​ກາ​ຂອງ​ອັງກິດ ທີ່​ຜະລິດ​ ໂດຍ​ສະ​ຖາ​ບັນ ​ເຊ​ຣຸມ ​ແຫ່ງ​ຊາດ ​ອິນ​ເດຍ ​ແລະ ​ໂຄ​ວາ​ຊິນ ພັດທະນາ​ໂດຍ​ ກາຣຕະ​ໄບ ​ໂອ​ເທັກ ​ແລະ​ ສະພາ​ວິ​ໄຈ​ ການ​ແພດ​ອິນ​ເດຍ ​ໄດ້​ສັກ​ໄປ​ແລ້ວ​ເກືອບ 1,6 ລ້ານ​ຄົນ ຈາກ​​ເປົ້າໝາຍ ​ທີ່​ກຳນົດ​ໄວ້ ຫລັງ​ຈາກ​ນັ້ນ ຈະ​ສັກ​ໃຫ້​ແກ່​ ຜູ້​ສູງ​ອາຍຸ 50ປີ​ຂຶ້ນ​ໄປ ຫລື​ຜູ້​ທີ່​ມີ​ຄວາມ​ສ່ຽງ​ສູງ ​ເພາະ​ມີ​ພະຍາດ​ ປະຈຳ​ຕົວ ປະມານ 270 ລ້ານ​ຄົນ.ນອກ​ຈາກ​ນີ້ ຍັງ​ສົ່ງ​ອອກ ​ແບບ​ບໍ່​ເສຍ​ຄ່າ ​ໃຫ້​ປະ​ເທດ​ໃກ້​ຄຽງ ​ເປັນຕົ້ນ: ປະ​ເທດ ​ມານ​ດິວ, ບັງ​ກລາ​ເທດ,​ເນ​ປານ ​ແລະ ສົ່ງ​ອອກ​ ໄປ​ຈຳໜ່າຍ​ໃນ ​ບຣາຊິນ ​ແລະ ​ມາຣົກ ລວມທັງ​ຈັດ​ຝຶກ​ອົບ​ຮົມ ການ​ໃຊ້​ວັກ​ຊິນ​ອິນ​ເດຍ ​ໃຫ້​ແກ່​ຜູ້​ຈັດການ ​ໂຄງການ​ ສັກ​ວັກ​ຊິນ​ຈາກ 13ປະ​ເທດ.ປັດຈຸບັນ ​ອິນ​ເດຍ ມີ​ຜູ້​ຕິດ​ເຊື້ອ​ສະ​ສົມ 10,65 ລ້ານ​ກວ່າ​ຄົນ ​ເປັນອັນ​ດັບ 2ຂອງ​ໂລກ ຮອງ​ຈາກ ສ.ອາ​ເມ​ລິ​ກາ ​ແລະ ​ມີ​ຜູ້​ເສຍ​ຊີວິດ 153.000 ກວ່າ​ຄົນ./.