ข่าวทั่วไป

ຊາວພຸດຮ່ວມກັນທຳບຸນຕັກບາດບຸນນະມັດສະການຜາສາດຫີນວັດພູປະຈໍາ

ຊາວພຸດຮ່ວມກັນທຳບຸນຕັກບາດບຸນນະມັດສະການຜາສາດຫີນວັດພູປະຈໍາ

ໃນຕອນເຊົ້າມື້ວານນີ້ ວັນທີ 28ມັງກອນ 2021 ກົງກັບວັນພະຫັດ(ວັນບຸນມາຄະບູຊາ) ເພັງ 15 ຄໍ່າເດືອນສາມ ພສ 2564 ຊາວພຸດຈາກທຸກສາລະທິດໄດ້ຮ່ວມກັນທໍາບຸນຕັກບາດທີ່ສະຖານບູຮານ ວັດພູຈໍາປາສັກ ເພື່ອສືບສອດປະພຶດປະຕິບັດຕາມຮີດຄອງປະເພນີ ທີ່ມີມາແຕ່ດົນນານ.

ສໍາລັບປີນີ້ກ່ໍໄດ້ມີຊາວພຸດມາຮ່ວມງານບຸນວັດພູ ແລະທໍາບຸນໃສ່ບາດຢ່າງຫຼວງຫຼາຍຄືປີຜ່ານມາ ຕ່າງແຕ່ປີນີ້ຕ້ອງໄດ້ປະຕິບັດມາດຕະການປ້ອງກັນ ແລະໄສ່ຜ້າປິດປາກ,​ດັງ​ ແລະອື່ນໆເພື່ອເປັນການປ່ອງກັນພະຍາດ ໂ ຄ ວິ ດ ເຊິ່ງໃນພິທີໃສ່ບາດຄັ້ງນີ້ມີ ທ່ານ ປອ​ ວິໄລວົງ​ ບຸດດາຄຳ ເຈົ້າເເຂວງໆຈຳປາສັກ,ບັນດາການນໍາແຂວງ,ເມືອງ,ພະແນກການກົມກອງອ້ອມຂ້າງ ແລະຊາວພຸດລາວເຂົ້າຮ່ວມຢ່າງຫຼວງຫຼາຍ.

ໃນພິທີ ພຣະອາຈານ ມະຫາ ສຸວັນ ຈັນທະຣາຊ ປະທານອົງການພຸດທະສາສະໜາສໍາພັນລາວ ແຂວງຈໍາປາສັກ ໄດ້ນໍາພາຄະນະສົງຈໍານວນ 500 ອົງ ແລະອອກຕົນຍາດໂຍມທັງຫຼາຍໄຫວ້ພຣະຣັດຕະນະໄຕ,ຮັບສິນ,ຮັບພອນ,ຮັບການຖວາຍທານ ທີ່ເປັນປັດໄຈຕ່າງໆ ຈາກນີ້ກໍໄດ້ຍ່າງບິນທະບາດ ຈາກບໍລິເວນໂຮງຊາວລົງຮອດແຄມໜອງສະ ໂດຍມີອອກຕົນຍາດໂຍມຮ່ວມໃສ່ບາດຢ່າງຫຼວງຫຼາຍ.

ສຳລັບຕອນຄ່ຳຂອງວັັນດຽວກັນນີ້ຍັງໄດ້ມີການແຫ່ວຽນທຽນໃຕ້ທູບທຽນເພືີ່ອເປັນການສັກກາລະບູຊາແດ່ສິ່ງສັກສິດຕາມສັດທາຂອງຕົນອີກດ້ວຍ.