ข่าวทั่วไป

ຈີນຈະເລີ່ມສັກຢາວັກຊິນປ້ອງກັນໂຄວິດ-19 ແຕ່ວັນທີ 14 / ກຸມພາ ທີ່ຈະມາເຖິງນີ້

ຈີນຈະເລີ່ມສັກຢາວັກຊິນປ້ອງກັນໂຄວິດ-19 ແຕ່ວັນທີ 14 / ກຸມພາ ທີ່ຈະມາເຖິງນີ້

ຂປລ.ສຳນັກຂ່າວ ຊິນຮວາ ຂອງຈີນ, ກະຊວງ ສາທາລະນະສຸກ ຂອງໄທ ລາຍງານວ່າ: ຈະເລີ່ມ ສັກຢາວັກຊິນ ປ້ອງກັນພະຍາດ ໂຄວິດ-19 ຕັ້ງແຕ່ວັນທີ 14 ກຸມພາ ທີ່ຈະມາເຖິງນີ້, ໂດຍກຸ່ມທຳອິດ ຈະໄດ້ຮັບ ວັກຊິນ ຄືເຈົ້າໜ້າທີ່ແພດ ແລະ ທ່ານໝໍ ທີ່ປະຕິບັດງານ ໃນພື້ນທີ່ ທີ່ມີຄວາມສ່ຽງສູງ.

ໂດຍຄາດວ່າ ວັກຊິນປ້ອງກັນພະຍາດ ໂຄວິດ-19 ຈຳນວນ 50.000 ໂດສ ຈະເດີນທາງ ເຖິງປະເທດ ໄທ ໃນຊ່ວງຕົ້ນເດືອນ ກຸມພາ ແລະ ຈະສັກໃຫ້ ກັບບຸກຄະລາກອນ ໃນພື້ນທີ່ ທີ່ມີການ ແຜ່ລະບາດຫລາຍ ເຊັ່ນ: ນະຄອນຫລວງ ບາງກອກ ແລະ ແຂວງ ສະມຸດສາຄອນ . ກະຊວງສາທາ ລະນະສຸກ ລະບຸວ່າ: ການສັກຢາ ວັກຊິນ ໂຄວິດ-19 ນີ້ ຈະແບ່ງອອກເປັນ 3 ໄລຍະ ໂດຍໄລຍະທຳອິດ ຄືເດືອນ ກຸມພາ-ເມສາ ເນື່ອງຈາກ ຈຳນວນວັກຊິນ ທີ່ມີຢູ່ ມີຈຳນວນຈຳກັດ ,

ຈະສັກໃຫ້ກັບ ບຸກຄະລາກອນ ທາງການແພດ ເຈົ້າໜ້າທີ່ ອາສາສະໝັກ ກອງໜ້າ ແລະ ກຸ່ມຄົນ ທີ່ມີຄວາມສ່ຽງສູງ; ໄລຍະທີ 2 ເດືອນ ພືດສະພາ-ທັນວາ ສັກໃຫ້ກັບ ປະຊາກອນ ປະມານ 50% ແລະ ໄລຍະທີ 3 ຕົ້ນປີ 2022 ຈະພະຍາຍາມ ສັກໃຫ້ກັບ ປະຊາຊົນທົ່ວໄປ ໃຫ້ໄດ້ຫລາຍທີ່ສຸດ.

ຂໍຂອບໃຈ