ข่าวทั่วไป

ກຳປູເຈຍ ສັ່ງປິດເກາະເພັດປ້ອງກັນການແຜ່ລະບາດໂຄວິດ-19

ກຳປູເຈຍ ສັ່ງປິດເກາະເພັດປ້ອງກັນການແຜ່ລະບາດໂຄວິດ-19

ຂປລ.ຕາມ​ຂ່າວ​ຈາກ ນະຄອນຫລວງ ​ພະນົມ​ເປັນ,ວັນ​ທີ22​ກຸມພາ​ນີ້,ທ່ານ ຮຸນ​ເຊ​ນ,ນາຍົກລັດຖະມົນຕີ ກຳປູ​ເຈຍ ສັ່ງ​ປິດ​ເກາະ​ເພັດ ທີ່ຕັ້ງຢູ່​ໃຈກາງ​ ນະຄອນຫລວງ​ ພະນົມ​ເປັນ ​ແລະ ຍົກ​ລະດັບ ​ມາດ​ຕະການ ​ດ້ານ​ສາທາລະນະ​ສຸກ ​ເພື່ອ​ປ້ອງ​ກັນ​ ການ​ແຜ່​ລະບາດ ​ໂຄ​ວິດ-19 ຮອບ​ໃໝ່ ພາຍ​ໃນ​ຊຸມ​ຊົນ ​ແລະ ກວດ​ຫາ​ ກຸ່​ມສ່ຽງ ທີ່​ພົວພັນ​ກັບ​ ຮ້ານ​ບັນ​ເທີ​ງ ​ແລະ ຫ້ອງ​ເຊົ່າ ທີ່​ພົບ​ການ​ແຜ່​ລະບາດ ​ໂຄ​ວິດ-19.ຂະນະ​ທີ່ ໜ່ວຍ​ງານ​ ດ້ານ​ສາທາລະນະ​ສຸກ ກຳປູ​ເຈຍ ​ເປີດ​ເຜີຍ​ເຖິງ ສະຖິຕິ ຜູ້​ຕິດ​ເຊື້ອ ສະ​ສົມ​ ຈາກ​ໂຄ​ວິດ-19 ​ເພີ່ມ​ເປັນ 533 ຄົນ ຫລັງ​ມີ​ການ​ຢືນຢັນ ຜູ້​ຕິດ​ເຊື້ອ​ໃໝ່ 17 ຄົນ ​ໃນ​ຮອບ 24 ຊົ່ວ​ໂມງ ລ້າ​ສຸດ ຈາກ​ຈຳນວນ ​ດັ່ງກ່າວ ປິ່ນປົວ​ດີ​ແລ້ວ 473 ຄົນ ​​ແຕ່ຍັງ​ບໍ່​ມີ ​ລາຍ​ງານ ຜູ້​ເສຍ​ຊີວິດ./.