ข่าวทั่วไป

ການປຸກລະດົມຂົນຂວາຍຫາ ຜູ້ບໍລິຈາກເລືອດເປັນບັນຫາສຳຄັນ

ການປຸກລະດົມຂົນຂວາຍຫາ
ຜູ້ບໍລິຈາກເລືອດເປັນບັນຫາສຳຄັນ

ຂປລ. ໃນວັນທີ 2 ມີນາ 2021 ໄດ້ປະຊຸມປຶກສາຫາລືການປຸກລະດົມການບໍລິຈາກເລືອດ ຢູ່ແຂວງຈຳປາສັກ ແມ່ນມີຄວາມສຳຄັນ ແລະ ຈຳເປັນໃນການເຂົ້າເຖິງຜູ້ບໍລິຈາກເລືອດ, ໂດຍການເຂົ້າຮ່ວມຂອງ ທ່ານ ຄຳຮຸ່ງ ເຮືອງວົງສີ ປະທານອົງການກາແດງລາວ, ທ່ານ ໂສມ ບຸດຕະກຸນ ຮອງເຈົ້າ ແຂວງຈຳປາສັກ, ມີບັນດາທ່ານ ຈາກອົງການກາແດງລາວ, ສູນເລືອດແຫ່ງຊາດ ແລະ ຄະນະກຳ ມະການສົ່ງເສີມການບໍລິຈາກເລືອດຂັ້ນແຂວງ, ພະແນກການອ້ອມຂ້າງແຂວງຕະຫລອດຮອດພະແນກ ການກ່ຽວຂ້ອງເຂົ້າຮ່ວມ.

ໃນໂອກາດດັ່ງກ່າວ, ທ່ານ ກອງມະນີ ສຸລະທາທອນ ຫົວໜ້າອົງການກາແດງແຂວງຈຳປາສັກ ໄດ້ລາຍງານ ຜົນການຈັດຕັ້ງປະຕິບັດວຽກງານການບໍລິຈາກເລືອດໄລຍະ 5 ປີ ແຕ່ປີ 2016 ຫາປີ2020 ຕໍ່ກອງປະຊຸມ ມີບາງຕອນວ່າ: ການປຸກລະດົມຂົນຂວາຍການບໍລິຈາກເລືອດ ໃນໄລຍະຜ່ານມາໄດ້ເລືອດທັງໝົດ 15.142 ຖົງ, ເຊິ່ງເຫັນວ່າຍັງບໍ່ສາມາບັນລຸຄາດໝາຍ 18.500 ຖົງ ຫລື ປະຕິ ບັດໄດ້ພຽງແຕ່ 81,85% ເທົ່ານັ້ນ.

ທ່ານ ກອງມະນີ ສຸລະທາທອນ ກ່າວຕື່ມວ່າ: ເພື່ອຮັບປະກັນການເຄື່ອນໄຫວຮັບບໍລິຈາກເລືອດໃຫ້ໄດ້ຮັບຜົນສຳເລັດ ທິດທາງໃນຕໍ່ໜ້າ ຈະສືບຕໍ່ໂຄສະນາປຸກລະດົມຂົນຂວາຍໂດຍຜ່ານສື່ຕ່າງໆເພື່ອເຂົ້າເຖິງກຸ່ມເປົ້າໝາຍ,ໃຫ້ຄວາມຮູ້ຜູ້ບໍລິຈາກ ແລະ ສິ່ງສຳຄັນການບໍລິຈາກເລືອດ ແມ່ນເປັນການຊ່ວຍເຫລືອເພື່ອນມະນຸດດ້ວຍກັນ.

ຂໍຂອບໃຈ